श्रावण ०८,२०७६

-आस्था न्युज

श्रावण ८ , २०७६ , काठमाडौँ l  मिस नेपाल पछिकै ठुलो सुन्दरी प्रतियोगिता मिस टिन नेपालको अडिसन शनिबार हुने भएको छ l १६ देखि १९ बर्ष सम्मको युवतीहरु सहभागी हुने यस प्रतियोगिताको पहिलो अडिसन शनिबार काठमाडौँमा गर्न लागिएको आयोजक संस्था काठमाडौँ जेसीसले बताएको छ l

च्याउ झैँ हुने सुन्दरी प्रतिभाको बिचमा छुट्टै र मौलिक पहिचान बोकेको मिस टिन नेपाल २०१९ अन्तर्गत श्रावण ११ गते  शनिबार पहिलो अडिसन हुन् लागेको छ l मिस टिन नेपालका लागि नै भनेर बसेका १६ बर्ष देखि १९ बर्ष सम्मका युवतीहरुको लागि यो सुनौलो अवसर रहेको आयोजकले बताएका छन् l अन्तर्राष्ट्रिय स्तरको मापदण्ड अनुसार संचालन हुने यस प्रतियोगित मिस नेपाल पछिकै सबैभन्दा ठुलो सुन्दरी प्रतियोगिता हो l मिस टिन नेपालका बिजेतालाई भाबी मिस नेपालको प्रत्यार्शीका रुपमा समेत हेर्ने गरिन्छ l

यदि तपाई १६ बर्ष देखि १९ बर्ष सम्मको युवती हुनुहुन्छ र राम्रो सुन्दरी प्रतियोगितामा सहभागी हुन् चाहनुहुन्छ भने काठमाडौँ जेसीसले आयोजना गर्ने मिस टिन नेपाल तपाईको लागि सबैभन्दा उत्कृष्ठ थलो हुन् सक्दछ l गत साता देखि आबेदन खुल्ला गरेको र पहिलो चरणको अडिसन शनिबार काठमाडौँ जेसिसको कार्यालय सुविधानगर , तीनकुनेमा दिनको ११ बजे देखि ३ बजे सम्म हुने काठमाडौँ जेसीसका अध्यक्ष जेसी भुवनकुमार श्रेष्ठले बताए  l प्रतियोगितामा सहभागी हुन् चाहनेले आबेदन दिन सकिने र क्रमस चरणबद्ध रुपमा अडिसन संचालन गरिने व्यवस्था मिलाईएको र आवेदन फारमका लागि www.missteen.org.np बाट फारम डाउनलोड गर्न सकिने र थप जानकारीको लागि ९८४९०८२२४७ नम्बरमा सम्पर्क गर्न सकिने , उनले बताए  l

महिला शसक्तिकरणको सामाजिक कार्यक्रम अन्तर्गत मिस नेपाल समेत आयोजना गर्दै आएको काठमाडौँ जेसीसले युवतीहरुको प्रतिभा प्रष्फुटन गराउने उद्येश्यले मिस टिन नेपाल २०१९ को आयोजना गर्न लागेको हो l प्रतियोगिताको फिनाले भने भाद्र १३ गते हुने छ l