नेपाली हिन्दू महिलाहरुको महान् पर्व तीज नजिकिएसँगै तीज सम्बन्धि गीतहरु सार्वजनिक भइरहेका छन् ।
यसैक्रममा सोनिका केसी र सुरची पन्थीको स्वरमा रहेको तीज गीत ‘शिरै लाउने शिर फूल...’ सार्वजनिक भएको छ ।
लोकप्रिय सङ्गीतकार सन्तोष श्रेष्ठको शब्द÷सङ्गीत रहेको तीज गीत ‘शिरै लाउने शिर फूल...’को भिडियो सार्वजनिक भएको हो ।
देवराज आचार्यको निर्देशन÷छायाँकन रहेको गीतको भिडियोमा एलिना पटेल र प्रशंसा पुरीलगायतका कलाकारको नृत्य अभिनय रहेको छ । भिडियोलाई पदम सुबेदीले सम्पादन गरेका छन् ।
