जेठ २३,२०७४

-

जेठ २३ –

नेपाल र भारत बिच आज(मंगलबार) अन्तराष्ट्रिय मैत्रीपूर्ण खेल हुदैछ ।

एएफसी एसियन कप २०१९ को छनौटको तयारीमा रहेको नेपालले आज भारतसँग अन्तराष्ट्रिय मैत्रीपूर्ण खेल खेल्न लागेको हो ।एसियन कपको तयारीमै रहेको भारतको निमन्त्रणामा मैत्रीपूर्ण खेलका लागि नेपाली राष्ट्रिय टोली भारतको मुम्बई पुगेको हो ।

मुम्बईको अन्धेरी स्पोर्टस कम्प्लेक्समा नेपाली समय अनुसार खेल बेलुका सवा सात बजे हुनेछ । पछिल्लो पटक २०७२ मा साफ च्याम्पियनसिप खेल खेले पश्चात नेपाल र भारत आज भिड्न लागेका हुन् । तर फिफा बरियतामा १०० स्थानमा रहेको भारतसँग १६९ औं स्थानमा रहेको नेपाललाई जित निकाल्न सजिलो भने छैन ।

एसियन कप छनौट अन्तर्गत यहि जेठ ३० गते यमनसँग प्रतिस्पर्धा गर्नका लागि तयारीमा रहेको नेपालका लागि भारतसँगको खेल निकै महत्वपूर्ण छ । भारतले पनि त्यही दिन बैंगलोरमा किर्गिस्तानसँग खेल्ने छ ।

नेपाली टोली

गोलकिपरः विकेश कुथू, किरणकुमार लिम्बू, विशाल श्रेष्ठ

डिफेन्डरः विराज महर्जन (कप्तान), अनन्त तामाङ, आदित्य चौधरी, कमल श्रेष्ठ, देवेन्द्र तामाङ, जितेन्द्र कार्की, विमल बस्नेत

मिडफिल्डरः रोहित चन्द, विशाल राई, हेमन गुरुङ, अन्जन विष्ट, सुजल श्रेष्ठ, सुमन लामा, हेमन्त थापा मगर

फरवार्डः विमल घर्तीमगर, भरत खवास, नवयुग श्रेष्ठ