जेठ २४,२०७४

-

जेठ २४ –

न्यु क्यासल युनाइटेडका पुर्व मिडफिल्डर चेक टिवटको अभ्यासको क्रममा निधन भएको छ । । चिनियाँ क्लब बेइजिङ इन्टरप्राइज टोलीबाट मैदानमा प्रशिक्षण गर्दा गर्दै हृदयाघात भएपछि टिवटको निधन भएको हो । 

आइभरी कोस्टकामा आवद्ध टिवट जनावरीमा चिनियाँ लिगसंग जोडिएका हुन् । ३० वर्षे टिवट मंगलबार प्रशिक्षण गर्दागर्दै प्रशिक्षण ग्राउन्डमा ढलेका थिए र उनको अस्पतालमा निधन भयो ।

‘टिवट अब हामीमाझ छैनन् । यस दुःखद् घडीमा पारिवारिक गोप्यतालाई कायम राख्दै थप केही भन्न चाहन्न । यस मुस्किल घडीमा परिवारप्रति समवेदना व्यक्त गर्न चाहन्छु’, पल्लाडिनोले भने । न्यु क्यासलका व्यवस्थापक राफेल बेनिटेजले पनि टिवटको निधनमा दुःख व्यक्त गरेका छन् । ‘उनको निधनको समाचारले मलाई निकै दुःख लागेको छ’, बेनिटेजले न्यु क्यासलको वेबसाइटलाई भनेका छन् ।

टिवट इंगलिस फूटबलमा एक प्रसिद्ध नाम हो ।

आइभरी कोस्टकामा आवद्ध रहेका उनले २०१५ को अफ्रीका कप अफ नेसन्सको उपाधि जित्न अहम भुमिका खेलेका छन् । टिवट सन् २०१० मा डच क्लब एफसी ट्वान्टीबाट न्यु क्यासलमा अनुबन्धित भएका थिए । उनले आइभरी कोस्टको राष्ट्रिय टोलीबाट ५२ खेल खेलेका छन् । उनी सन् २०१० र सन् २०१४ को विश्वकप टोलीमा पनि समावेश थिए ।