१३ औं साग:नेपाली महिला भलिबल टिम सागको सेमिफाइनलमा प्रवेश
-
मंसिर १३,२०७६ काठमाडौं ।
नेपाली महिला भलिबल टोली १३ औंँ दक्षिण एसियाली खेलकुद प्रतियोगिताको सेमिफाइनलमा प्रवेश गरेको छ ।
त्रिपुरेश्वरमा रहेको राष्ट्रिय खेलकुद परिषदको कभर्ड हलमा शुक्रबार भएको समूह चरणको खेलमा भारतले बंगलादेशलाई ३-० सोझो सेटमा पराजित गरेपछि नेपाली महिला टिम सेमिफाइनलमा प्रवेश गरेको हो ।
लगातार २ खेलमा जित निकाल्दै भारत समूह ए बाट समूह विजेताका रूपमा अन्तिम चारमा पुगेको हो भने नेपालले उपविजेताका रूपमा सेमिफाइनलमा स्थान बनाएको हो ।
प्रतियोगितामा दुवै खेलमा हार बेहोरेको बंगलादेश भने बाहिरिएको छ । समूहको पहिलो खेलमा नेपालले बंगलादेशलाई तीन(शुन्यको सोझो सेटमा हराएको थियो भने भारतसँग ३-० नै पराजित भएको थियो ।
अब नेपालले सेमिफाइनलमा समूह बी को विजेतासँग खेल्नेछ ।
यता,
१३ औँ दक्षिण एसियाली खेलकुद ९साग० अन्तरर्गत पुरुष भलिबलमा नेपाल भारतसँग दोस्रो सेटमा पनि पराजित भएको छ ।
त्रिपुरेश्वरस्थित कभर्डहलमा शुक्रबार भएको खेलमा नेपाल पहिलो र दोस्रो सेटमा भारतसँग पराजित भएको हो ।
पहिलो सेट २५ –१५ ले गुमाएको नेपालले दोस्रो सेटमा २५ – १२ ले पराजित भएको हो । नेपाल बुधबार भएको पहिलो खेलमा बंगलादेशसँग पनि पराजित भएको थियो ।
