१३औं सागः क्रिकेटमा नेपाल बंगलादेशसँग ४४ रनले पराजित
-
मंसिर २१,२०७६ काठमाडौं ।
१३औं साग अन्तर्गत पुरुष क्रिकेटमा नेपाल बंगलादेशसँग पराजित भएको छ ।
लिग चरणको आफ्नो अन्तिम खेलमा बंगलादेशको यू–२३ टिमसंग ४४ रनले पराजित भएसंगै नेपालको स्वर्ण जित्ने सपना सकिएको छ ।
कीर्तिपुरस्थित त्रिवि क्रिकेट मैदानमा १ सय ५६ रनको लक्ष्य पछ्याएको नेपाल २० ओभरमा ९ विकेट गुमाएर १ सय ११ रन बनायो । खराब सुरुवात गरेको नेपालले १४ रनमा ३ विकेट गुमाएको थियो ।
चार खेलमा दुई जित र दुई हार व्यहोरेको नेपाल अंक तालिकाको तेस्रो स्थानमा छ ।
पहिलो खेलमा श्रीलंकासँग पराजित नेपालले दोस्रो खेलमा भुटानमाथि कीर्तिमानी जित निकालेको थियो । यस्तै शुक्रबार माल्दिभ्सलाई पराजित गरेको थियो ।
बंगलादेश यू–२३ ले ३ खेलमा ३ जित हात पार्दै ६ अंकका साथ तालिकाको शीर्ष स्थानमा छ ।
