प्रधानमन्त्री केपी शर्मा ओलीले साग खेलकुदका स्वर्ण विजेता खेलाडीलाई जनही ९ लाखका दरले रकम दिने घोषणा गरेका छन् ।
बुधबार पदक विजेता खेलाडीलाई बालुवाटारमा भेट गरी प्रधानमन्त्री ओलीले एक भन्दा बढी स्वर्ण ल्याउने खेलाडीलाई जनही ११ लाख रुपैयाँ प्रदान गर्ने घोषणा पनि गरे ।
यस्तै, रजत जित्ने खेलाडीलाई नगद ६ लाख तथा काश्य विजेतालाई तीन लाख रुपैयाँ पुरस्कारको घोषणा गरेका छन् ।
फुटबल लगायत टिम गेममा स्वर्ण पदक जित्ने खेलाडीलाई भने जनही ५ लाख रुपैयाँ दिइनेछ ।
सागमा नेपालले ५१ स्वर्ण पदक, ६० रजत र ९५ कास्य गरी कूल २०६ पदक प्राप्त गरेको छ ।
