ए डिभिजन लिगः मछिन्द्र विजयी, ब्रिगेड ब्वाइज २-० ले पराजित
-
मंसिर २८,२०७६ काठमाडौं ।
ए डिभिजन लिग फुटबल प्रतियोगितामा मछिन्द्र क्वलब विजयी भएको छ ।
शनिबार एन्फा कम्पेक्स सातदोबाटोमा भएको उद्द्धाटन खेलमा मछिन्द्रले ब्रिगेड ब्वाइज क्लबलाई २-० ले पराजित गरेको हो ।
मछिन्द्रको जितमा योगेश गुरुङले ३० औं र दीपक राईले ५० औँ मिनेटमा गोल गरे ।
खेलमा मछिन्द्रकै विशाल राई म्याद अफ दी म्याच घोषित भए ।
‘ए’ डिभिजन लिगमा १४ क्लबको सहभागिता रहेको छ । सहभागी क्लबले कूल ९१ खेल खेल्नेछन् । लिगको अन्तिममा रहने एक टोली ‘बी’ डिभिजनमा घटुवा हुनेछ ।
कूल ६ करोड ३० लाख लगानीमा सञ्चालन हुने लिगको विजेता टोलीले ५० लाख, उपविजेताले ३५ लाख, तेस्रोले २५ लाख, चौथोले १५ लाख, पाँचौंले सात लाख र छैटौं स्थानमा रहने टोलीले पाँच लाख रुपैयाँ पुरस्कार प्राप्त गर्नेछन् ।
लिगका हरेक खेलको विजेता टोलीले छुट्टै ५० हजार रुपैयाँ प्राप्त गर्नेछ ।
यसैगरी लिगको उत्कृष्ट स्ट्राइकर, मिडफिल्डर, रक्षक, गोलरक्षक र प्रशिक्षकलाई जनही एक लाख ५० हजार रुपैयाँ प्रदान गरिने एन्फाले जनाएको छ ।
प्रत्येक खेलको म्यान अफ दी म्याचलाई १० हजार रुपैयाँ प्रदान गरिनेछ । लिगको फेयर प्ले टोलीले एक लाख रुपैयाँ पाउने छन् ।
