पिपिएलः विराटनगरलाई १८ रनले हराउँदै चितवनको लगातार चौथो जित
-
पुस ६,२०७६ काठमाडौं ।
पोखरा प्रिमियर लिग ९पिपिएल० क्रिकेटमा चितवन राईनोजले लगातार चौथो जित हात पारेको छ ।
आज भएको खेलमा विराटनगर टाईटान्सलाई १८ रनले हराउँदै चितवन फाईनल नजिक पुगेको हो ।
खेलमा पहिले व्याटिङ गरेको चितवनले २० ओभरमा ४ विकेट गुमाएर १ सय ४६ रन बनायो ।
उसका लागि आरिफ शेखले अविजित ३९ रन बनाउँदा कप्तान पारस खड्काले ३५ रनको योगदान दिए ।
जवाफमा १ सय ४७ रनको चुनौती पछ्याएको विराटनगरले १९ ओभरमा अलआउट हुनुपूर्व १ सय २८ रन मात्रै बनाउन सक्यो ।
विराटनगरका लोकेश बमले ६२ रन जोडे । बलीङतर्फ चितवनका करण केसी र भुवन कार्कीले ३-३ विकेट लिए ।
जितसँगै चितवन पिपिएल क्रिकेटको फाईनल नजिक पुगेको छ । ४ खेलबाट उसले ८ अंक जोडेको छ ।
अन्तिम खेलमा चितवनले मंगलवार काठमाडौं गोल्डेन्ससँग खेल्नेछ ।
