ए डिभिजन लिगः च्यासललाई २-० ले हराउदै जावलाखेल विजयी
-
पुस १५,२०७६ काठमाडौं ।
शहीद स्मारक ए डिभिजन लिगमा जावलाखेल युथ क्लब विजयी भएको छ ।
मंगलबार भएको खेलमा जावलाखेलले च्यासल युथ क्लबलाई २-० गोल अन्तरले पराजित गरेको हो ।
सातदोबाटोस्थित एन्फा मैदानमा भएको खेलमा च्यासल र जावलाखेलले पहिलो हाफ गोलरहित बराबरी खेलेका थिए ।
जावलाखेलका लागि रुपबहादुर लामा र विजय घलानले गोल गरेका थिए ।
लामाले खेलको ८० औं मिनेटमा गोल गर्दै टिमलाई १-० को अग्रता दिलाए ।
जावलाखेलका लागि पहिलो गोलको ठीक दोस्रो मिनेटपछि नै २–० गोलको अग्रता बनाएको थियो ।
च्यासलका स्टाइकर सन्तोष साहुखलसहितको टोलीले फरवार्ड लाइन सम्हाले पनि गोल गर्न सकेनन् ।
ए डिभिजन लिगमा सन्तोषले ९९ गोल गरिसकेका छन् ।
खेलको ७५ औं मिनेटमा अरुज सिंहको स्थानमा मैदान प्रवेश गरेका विजय घलानले उत्कृष्ट रिवाउण्ड गोल गर्दै टिमलाई २-० को जीत दिलाउन योगदान गरे ।
लिगमा अपराजित रहेको जावलाखेलले ४ खेलमा २ मा जीत र २ खेल बराबरी खेल्दै ८ अंकसहित अंक तालिकाको तेस्रो स्थानमा छ ।
पराजित च्यासलले लगातार दोस्रो हार ब्येहोरेको हो । च्यासलले ४ खेलमा ४ अंक बटुलेको छ ।
