तोक्वान्दो खेलाडी, प्रशिक्षक र पत्रकार सम्मानित

आषाढ ०१,२०७४

असार १ -

भक्तपुर जिल्ला खेलकुद विकास समिति र विद्या विकास सेकेण्डरी स्कुलले आइटिएफ तेक्वान्दोका पदक विजेता खेलाडीलाई सम्मान गरेको छ ।

बेलायतको ब्राइटन सहरमा सम्पन्न १८ औं एडल्ट, सिनियर तथा १३ औं जुनियर आइटिएफ तेक्वान्दो च्याम्पियनसिपमा पदक बिजेताद्वय आइटिएफ तेक्वान्दोका दुई खेलाडी लक्ष्मण बस्नेत र सस्मन बस्नेत सम्मानित भएका हुन् । पदक विजेता खेलाडीलाई ओलम्पियन धावक जित बहादुर केसी, भक्तपुर जिल्ला खेलकुद विकास समितिका अध्यक्ष दिलिप केसी, स्कुलका प्रिन्सिपल प्रदिप क्षेत्री लगायतले खादा तथा सम्मानपत्र प्रदान गर्दै सम्मानित गरेका थिए ।

यस्तै प्रशिक्षक गयाजी खड्का र खेलकुद फोटो पत्रकार रजेन्द्र केसीलाई पनि सम्मानित गरिएको थियो । खड्काले विगत १० बर्षबाट निरन्तर तेक्वान्दोमा सक्रिय भई विभिन्न बिधालय तथा क्लबहरुमा प्रशिक्षण दिई खेलाडी उत्पादनमा योगदान दिएको कारण सम्मानित गरिएको हो । त्यस्तै खेलकुद फोटो पत्रकार रजेन्द्रले पछिल्लो १० बर्षबाट विभिन्न मिडियामा रहदै तेक्वान्दो विकास र खेलकुदमा योगदान दिएको कारण सम्मान गरिएको जनाइएको छ ।