श्रीलंकाविरुद्ध तीन खेलको टी-२० अन्तर्राष्ट्रिय क्रिकेट सिरिज घरेलु टोली भारतले जितेको छ । पुनेमा शुक्रबार भएको अन्तिम तथा तेस्रो खेलमा भारतले श्रीलंकालाई ७८ रनले हरायो । भारतले सिरिज २–० ले जितेको हो । दुई टोलीबीचको पहिलो खेल वर्षाका कारण रद्ध भएको थियो । दोस्रो खेल भारतले सात विकेटले जितेको थियो ।
भारतले दिएको दुई सय दुई रनको जियी लक्ष्य पछ्याएको श्रीलंका १५.५ ओभरमा सवै विकेट गुमाएर एक सय २३ रनमा समेटियोएको थियो । श्रीलंकाका लागि धनन्जय डी सिल्भाले ५७ र एन्जेलो म्याथ्युजले ३१ रन बनाए । श्रीलंकालाई सस्तैमा समट्ने भारतका नाभ्दिप सैनीले तीन विकेट लिए । सार्दुल ठाकुर र वासिङटन सुन्दरले दुई दुई विकेट लिए । जसप्रित बुमराहले एक विकेट लिए ।
यसअघि टस हारेर पहिले ब्याटिङ गरेको भारतले २० ओभरमा ६ विकेटको क्षतिमा दुई एक रन बनाएको थियो । भारतका लागि लोकेश राहुल र शिखर धवनले अर्धशत बनाए । लोकेशले ५४ र शिखरले ५२ रन बनाए । मनिष पाण्डेले अविजित ३१, कप्तान विराट कोहलीले २६ र सार्दुल ठाकुरले अविजित २२ रन बनाए । श्रीलंकाका लाक्सन सान्डकानले तीन विकेट लिए । लाहिरु कुमरा र वानिन्दु हसरंगाले एक एक विकेट लिए ।
