अभिनेत्री निशा अधिकारी र क्रिकेटर शरद भेषावकर विवाह बन्धनमा बाधिँदै

आषाढ ०४,२०७४

असार ४ -

नेपाली राष्ट्रिय क्रिकेट टोलीका चर्चित ब्याट्सम्यान शरद भेषवाकरसङ्ग ब्रेकअप भएको हल्ला चलेको धेरै समय नबित्दै नायिका निशा अधिकारी उनै शरदसङ्ग विवाह बन्धनमा बाँधिन लागेको खबर बाहिर आएको छ ।

उनीहरु यहि असारको दोस्रो साता अर्थात असार १४ विवाह बन्धनमा बाधिन लागेका हुन् । केहि दिन अगाडि मात्र पनि शरद निशालाई भेट्न चितवन पुगेका थिए । निशा पोखराकी कान्छी’ फिल्मको सुटिङको लागि चितवनमा थिइन् । शरद पुगेपछि निशाले ‘पोखराकी कान्छी’ को बाँकी सुटिङ विवाहपछि गर्ने काठमाडौं फर्किएकी छिन् ।

विवाहको चर्चा चलेपनि उनीहरु दुबैले आधिकारिक रुपमा भने कुनै कुरा बोलेका छैनन् । तर पनि उनीहरु विवाह गर्ने अन्तिम सोचमा पुगिसकेको जनाइएको छ ।

गत वर्ष निशा अभिनित ‘जय परशुराम’ रिलिज ताका शरदसँग ब्रेकअप भएको हल्ला चलेको थियो । त्यो हल्लापछि उनीहरु पहिलो पटक चितवनमा संगै देखा परेका हुन् । शरद र निशा भेट हुँदाको तस्वीर ‘पोखराकी कान्छी’ का निर्माताले खिचेका छन् ।