एसीसी इस्र्टन रिजन मेन्स टी-२० कप क्रिकेटका लागि १८ खेलाडीको नाम सार्वजनिक
-
माघ १८,२०७६ काठमाडौं ।
थाइल्याण्डमा आयोजना हुने एसीसी इस्र्टन रिजन मेन्स टी-२० कप क्रिकेटका लागि नेपालले १८ जना खेलाडीको नामावली सार्वजनिक गरेको छ ।
नयाँ टोलीमा शेर मल्ल पहिलो पटक सिनियर टिमको १८ खेलाडीको सूचीमा परेका छन् भने भुवन कार्कीले कमब्याक गरेका छन ।
तर अनुभवी खेलाडी शरद भेषवाकर, बसन्त रेग्मी टिममा परेका छैनन् । त्रिकोणात्मक सिरीजका लागि छनोट भएका १८ खेलाडीको सूचीमा रहेका सुवास खकुरेल पनि समावेश भएनन् ।
यही सूचीबाट नेपाल क्रिकेट संघले १४ जना खेलाडी छनोट गर्नेछ । थाइल्याण्डमा यही फेब्रुअरी २९ देखि मार्च ६ तारिखसम्म हुने प्रतियोगितामा नेपाल समूह ‘ए’ मा रहेको छ ।
जसमा नेपाल रहेको समूहमा थाइल्याण्ड, मलेसिया र चीन रहेका छन । समूह ‘बी’ मा हङकङ, सिंगापुर, भुटान र म्यानमार रहेका छन् । नेपालले प्रतियोगिताको पहिलो खेल म्यानमारसँग खेल्नेछ ।
दोस्रो खेलमा नेपालको प्रतिद्वन्द्वी थाइल्याण्ड रहेको छ भने तेस्रो खेल मलेसियासँग खेल्नेछ ।
दुई समूहको शीर्ष दुई टिम सेमिफाइनलमा पुग्नेछन् । प्रतियोगिताको विजेताले पाकिस्तानमा हुने एसीसी एसिया कपमा स्थान बनाउने छ ।
