नेपालमा कोरोना संक्रमितको संख्या १६ :
अस्पतालमा उपचाररत कोरोना संक्रमित १५ जनाको स्वास्थ्य अवस्था सामान्य
-
बैशाख २,२०७७ काठमाडौं ।
कोरोना भाइरसको आशंकामा मंगलबार सम्ममा दुवै आरडीटी र पीसीआर विधिबाट १२ हजार ९०६ जनाको कोरोना भाइरसका आशंकामा नमुना संकलन गरेर परीक्षण गरिएको स्वास्थ्य तथा जनसंख्या मन्त्रालयले जनाएको छ ।
मन्त्रालयले मंगलबार गरेको पत्रकार सम्मेलनमा मन्त्रालयका प्रवक्ता डा विकास देवकोटाले राष्ट्रिय जनस्वास्थ्य प्रयोगशाला आजसम्म चार हजार ८१९ जनाको कोरोना भाइरसको आशंकामा नमुना संकलन गरेर परीक्षण भइसकेको बताए ।
“आज देशैभरको अस्पतालहरूको आइसोलेसनमा ९९ जना उपचाररत रहेका छन्,” उनले भने, काठमाडौं उपत्यकका भित्रमा १२ जना र बाहिर ८७ जना रहेका छन् ।”
मन्त्राललये जारी गरेको हाम्रो स्वास्थ्य मोबाइल एप गत २४ घण्टामा ९ जना रेड जोनमा पुगेको उनले जानकारी दिए ।
आज पेप्सीकोला टाउन प्लानिङस्थित सनसिटी अपार्टमेन्टमा लन्डनबाट आई बसोबास गर्ने एकै परिवारका तीनजना कोभिड १९ को शंस्कास्पदहरूको वैशाख १ गते आरडीटी विधिबाट परीक्षण गर्दा दुईजनाको पोजेटिभ देखिएकाले पीसीआरबाट थप परीक्षण गर्दा समेत पोजेटिभ रिपोर्ट देखिएको मन्त्रालयले जनाएको छ ।
मन्त्रालयका अनुसार नेपालमा हालसम्म कोरोना भाइरसको संक्रमितको संख्या १६ पुगेको छ । मन्त्रालयका प्रवक्ता डा. देवकोटाले हालसम्म सेती प्रादेशिक अस्पतालमा ५ जना, टेकु अस्पतालमा २ जना, धवलागिरि अस्पतालमा २, नारायणी उपक्षेत्रीय अस्पतालमा ४ जना र पाटन अस्पतालमा २ जना गरी हालसम्म १५ जना अस्पतालमा उपचाररत रहेको बताए ।
देवकोटाले उनीहरूको स्वास्थ्य अवस्था सामान्य रहेको र एक जना निको भएर घर गइसकेको बताए ।
आज देशैभरका क्वारेन्टाइनमा ५ हजार ७७१ जना रहेको मन्त्रालयले जनाएको छ । मन्त्रालयका दुई मोबाइल एप ११३३ र १११५ को कोरोना भाइरससम्बन्धी दुई हजार ६८८ जनाको गुनासो सम्बोधन गरिएको छ ।
