नेपालमा ११० जना कोरोना संक्रमितमा ३१ जना निको भएर घर फर्किएका छन् । स्वास्थ्य तथा जनसंख्या मन्त्रालयका अनुसार नेपालमा हालसम्म ७८ पुरुष र ३२ महिलामा कोरोना संक्रमण देखिएको थियो ।
मन्त्रालयको नियमित पत्रकार सम्मेलनमा डा बिकास देवकोटाले ३१ जना कोरोना जितेर घर फर्किएको जानकारी गराए । अरु उपचारमा छन् । कतिपय स्थानमा निको भएर घर फर्किएकामाथि समाजमा सकारात्मक सोच नपाइएको उनले बताए । उहाँहरु पूर्ण रुपमा निको भएर फर्किनुभएको हो । अनावश्यक डर त्रास नफैलाऔं ।”
