खेलकुद गतिविधि

चैत्र १४,२०७३

-

१४,२०७३चैत्र,काठमाडौँ –

एसिसी इमर्जिङ टिम्स कप क्रिकेट प्रतियोगितामा नेपालले पाकिस्तानसामु १८१ रनको लक्ष्य प्रस्तुत गरेको छ |

प्रतियोगिताको पहिलो खेलमै नेपालले पाकिस्तान समक्ष सोही लक्ष्य दिएको हो | 

बङ्गलादेशको शेख कमल अन्तर्राष्ट्रिय खेल मैदानमा आज टस हारेपछि नेपालले ब्याटिङ गरेको थियो |

 पाकिस्तानको २३ वर्षमुनिको टोलीसँग नेपालले निर्धारित ५० ओभर पूरै खेल्दै नौ विकेटको क्षतिमा १७९ रन बनायो |

कप्तान ज्ञानेन्द्र मल्ल २ रन, सागर पुन ४ तथा दीपेन्द्रसिंह ऐरी १४ रनमा आउट भएपछि नेपालको इनिङ्स सुनिल धमला र शरद भेषवाकरले सम्हालेका थिए |

 १२६ बलको सामना गर्दै धमलाले ४३ रनको योगदान दिए | यस्तै भेषवाकरले ५८ बल खेल्दै ३८ रन बनाए | विनोद भण्डारीले २४ तथा आरिफ शेखले १६ रनको योगदान दिए  |

अहिले पाकिस्तानले नेपाल बिरुद्ध जवाफी ब्याटिङ गरिरहेको छ | पाकिस्तानले १८ ओभरको खेल सकिँदा एक विकेटको क्षतिमा ६७ रन बनाएको छ |

नियमित कप्तान पारस खड्का यस प्रतियोगितामा अनुपस्थित छन् । प्रमुख तीन बलर शक्ति गौचन, सोमपाल कामी र वसन्त रेग्मी पनि टिममा छैनन् | नेपाल रहेको समूह ‘ए’मा पाकिस्तान, बङ्गलादेश र हङ्कङ समावेश छन् | समूह ‘बी’मा भारत, श्रीलङ्का, मलेसिया र हङ्कङ रहेका छन् । रासस