स्पेनिस ला लिगामा सेभिया र लेभान्टे १-१ गोलको बराबरीमा रोकिए
-
असार २, २०७७ काठमाडौं ।
स्पेनिस ला लिगामा सोमबार रातिका दुई खेल बराबरीमा टुंगिएका छन् ।
ला लिगामा सेभिया लेभान्टेसँग १-१ गोलको बराबरीमा रोकिएको छ । भ्यालेन्सियामा सोमबार राति भएको खेलमा घरेलु टोलीलाई दवावमा राखे पनि आफ्नै गल्तीमा सेभिया बराबरीमा रोकियो ।
पहिलो हाफ गोलरहित बराबरीमा टुंगिए पनि दोस्रो हाफको शरुमै लुक डि जोङले गोल गर्दै सेभियालाई अग्रता दिलाएका थिए ।
खेल सकिन तीन मिनेट बाँकी रहँदा डिएगो कार्लोसले आत्मघाती गोल गरेपछि खेल १–१ गोलको बराबरीमा आयो ।
बराबरीसँगै तेस्रो स्थानमा रहेको सेभियाको ५१ अंक पुगेको छ । लेभान्टे ३५ अंक जोडेर एक स्थान माथि १२औं स्थानमा रहेको छ ।
सोमबार रातिकै खर्को खेलमा रियल बेटिस र ग्रानडाले पनि बराबरी खेलेका छन् । रियल बेटिस र ग्रानडाले २–२ गोलको बराबरी खेल्दै अंक बाँडेका हुन् ।
रियल बेटिसका सर्जियो केनालेस र क्रिस्टियन टेलोले गोल गरे । ग्रानडाका कार्लोस फर्नान्डेज र रोवर्टो सोल्डाडोले गोल गरे ।
बराबरीसँगै ग्रानडाले भिल्ला रियललाई एक अंकले पछि पार्दै आठौं स्थानमा उक्लिएको छ । रियल बेटिस १३औं स्थानमा छ ।
