अमेरिकी राष्ट्रपतिय चुनावः बाइडेनले भने-जित निश्चित छ धैर्य गरौं, ट्रम्पको आफ्नै दाबी
-
कार्तिक २२, २०७७ काठमाडौं ।
अमेरिकी राष्ट्र्रपति चुनावको नतिजालाई लिएर एक स्पष्ट खाका देखिसकेको छ । अन्तिम नतिजा आउन बाधक बनिरहेको केही स्विंग स्टेट्सका नतिजाले डेमोक्र्याटिक उम्मेदवार जोय् बाइडेनको जीत सुनिश्चित भइसकेको स्पष्ट संकेत दिइसकेको छ । यद्यपी मत गणना जारी रहेकोले आधिकारिक नतिजा आउन बाँकी नै छ र दुबै उम्मेदवार चुनावमा आआफ्नो जितको दावी गरिरहेका छन् ।
शनिबार डेमोक्र्याटिक पार्टिका उम्मेदवार बाइडेनले ३ सयभन्दा बढी इलेक्टोरल कलेज भोट हासिल गर्ने तर्फ आफु गइरहेको बताए । उनले भने – हामी यो दौड जित्न गइरहेका छौं ।बाइडेनको उक्त बयानलाई लिएर मौजुदा राष्ट्रपति डोनाल्ड ट्रम्पले बाइडेनलाई राष्ट्र्रपति पदमाथि गलत तरिकाले दावी गर्न नहुने बताए ।
उनले भने – म पनि दावी गर्न सक्छु । कानुनी कारवाही भरखरै शुरु भइरहेको छ । परिणामको हिसाबले महत्वपुर्ण राज्यमा मतगणना जारी रहेकोले ट्रम्प सार्वजनिक रुपमा देखिएका छैनन् तर उनी ट्विटरमा सक्रिय छन् । बाइडेनले आधिकारिक तवरमा २५३ इलेक्टोरल कलेज भोट हासिल गरिसकेको छ भने ट्रम्पको यो संख्या २१३ पुगेको छ ।
७७ बर्षिय बाइडेन परिणामका आधारमा पाँच प्रमुख मध्य ४ राज्यमा अगाडी रहेको छ । एरिजोनामा ट्रम्प बाइडेन भन्दा ३८ हजार भन्दा बढी मतले पछाडी परेका छन् । त्यसैगरी ट्रम्प जर्जियामा ४ हजार भन्दा बढी, नेभाडामा करिब २३ हजार, पेन्सिलभेनियामा करिब २० हजार मतले पछाडी परेका छन् । तर नर्थ क्यारोलाइनामा करिब ७७ हजार मतले उनी अगाडी छन् ।
अमेरिकामा राष्ट्रपति चुनावमा जित हासिल गर्न कुनै पनि उम्मेदवार ५ सय ३८ इलेक्टोरल मतमा कम्तिमा २ सय ३० मत हासिल गर्न जरुरी छ ।आफनो पराजय स्पष्ट हुन थालेपछि ट्रम्पले ठुलो परिमाणमा फर्जी मतदान भएको आरोप लगाउँदै आइरहेको छ । बैध मतको गणनामा आफ्नो जित भइसकेको उनले दावी गरेका छन् ।
पेन्सिलभेनिया भए पर्याप्त
इलेक्टोरल कलेज भोटको चमत्कारिक अंक २७० पुर्याउन डेमोक्र्याट उम्मेदवार तथा पुर्व उपराष्ट्रपति जोय बाइडेनलाई पेन्सिलभेनियाको नतिजा मात्रै उनको पक्षमा घोषणा भए भने पनि पर्याप्त हुनेछ । पेन्सिलभेनियाको २० इलेक्टोरल कलेज भोट रहेको छ । त्यसैगरी अन्य प्रमुख राज्य जर्जिया, नेभाडा र एरिजोनाको नतिजामा पनि आधिकारिक घोषणा आएको छैन जहाँ बाइडेनकै अग्रता कायम छ ।
