‘प्रेमगीत २’को बक्सअफिस कलेक्शन

मनोरञ्जन गतिविधि

‘प्रेमगीत २’को बक्सअफिस कलेक्शन

श्रावण २०,२०७४

२० श्रावण,काठमाडौँ- चलचित्र ‘प्रेमगीत २’वर्ष सुरुवातमा सार्वजनिक भएका फिल्ममध्ये सर्वाधिक ग्रस कलेक्शन गर्ने फिल्म बनेको छ। फिल्मले सातदिनमा ४ करोड १७ लाख ८२ हजार ३ सय ६२ रुपैयाँ कमाएको विक्रेता गोबिन्द शाहीले जानकारी दिए। देशभर ६० पर्दामा एकसाथ सार्वजनिक भएको फिल्मले मोफसलबाट १ करोड ८७ लाख र राजधानीबाट २ करोड ३० लाख रुपैयाँ उठाएको शाहीले बताए । शाही भन्छन्,’ब्रान्ड भ्यालु, हिरो क्रेज, वर्ड अफ माउथका कारण फिल्म चलेको बिक्रेता बताउँछन्। कलेक्शनको ४७% नेट निर्माताले प्राप्त गर्नेछन्। मोफसलबाट मात्रै नेट ८५ लाख सेयर र काठमाडौंबाट झन्डै १ करोड १३ रुपैयाँ सेयर निर्माताले पाउनेछन्। २ करोडमा निर्माण भएको फिल्मले करिब लगानी सुरक्षित गरेको छ। फिल्मको डिजिटल र इन्टरनेशनल राइट्स हाइलाइट्स नेपालले फिल्म प्रदर्शन अघि नै ७० लाखमा किनेको थियो। फिल्मले दोस्रो साता पनि हलहरुमा शोज पाएको छ। रामशरण पाठक निर्देशित फिल्ममा प्रदीप खड्का र अश्लेषा ठकुरीको मुख्य भूमिका छ।