थ्री नेसन्स कपः नेपाल किर्गिस्तानसँग बराबरीमा रोकियो
-आस्था न्यूज
चैत्र १२, २०७७ काठमाडौं ।
थ्री नेसन्सकपमा नेपाल बिहीबार किर्गिस्तानको ओलम्पिक टिमसँग गोलरहित बराबरीमा रोकिएको छ। १० खेलाडीमा सीमित यू-२३ टिमविरुद्धको यो नतिजा नेपाली राष्ट्रिय टिमका लागि निराशाजनक नतिजाका रूपमा रहनेछ ।
अब नेपालले अन्तिम खेलमा बंगलादेशको सामना गर्नेछ र त्यसले फाइनल पुग्ने दोस्रो टिमको निर्णय गर्नेछ । यो नतिजापछि बंगलादेश भने फाइनल पुगेको छ । उसको ३ अंक छ र उसले पहिलो खेलमा किर्गिस्तानी टिमलाई हराएको थियो । नेपाल र किर्गिस्तान भने एक एक अंकमा रहे । अंक तालिकामा नेपाल भने दोस्रो स्थानमा रहेको छ ।
अब नेपालले बंगलादेशलाई अन्तिम खेलमा बराबरीमा रोके पनि फाइनल पुग्न सक्नेछ । किर्गिस्तानले पनि आफ्नो भाग्य थाहा पाउन अन्तिम खेलको नतिजा कुर्नु पर्नेछ । प
हिलो हाफमा नेपाली किर्गिस्तानमाथि पूर्णतः हाबी रह्यो र लगातार आक्रमण बुन्यो । चौथो मिनेटमा तेज तामाङको फ्रि हेडर पोस्टको नजिकबाट बाहिरिएको थियो ।
