कोरोनाका बिरामीले प्रयोग गर्ने औषधीको अभाव छैन्ः उत्पादक संघ
-आस्था न्यूज
जेठ ७, २०७८ काठमाडौं ।
नेपाल औषधी उत्पादक संघले कोभिड १९-का बिरामीले प्रयोग गर्ने औषधीको अभाव नभएको जनाएको छ ।
कोभिड बिरामीका लागि अत्यधिक रुपमा प्रयोग गरिने औषधी १३ थरी औषधी मौज्दात रहेको प्रेस विज्ञप्तिमार्फत् संघले जानकारी दिएको हो ।
शुक्रबार अर्थात् आज औषधीहरुको विवरण सार्वजनिक गर्दै अभाव नरहेको संघले प्रष्ट पारेको हो ।
कोभिड-१९ को उपचारमा प्रयोग हुने आन्तरिक ढुवानी र कुरियरमा अवरोध हुँदा औषधी सम्बन्धित स्थानमा पुग्न ढिलाई भएको संघको भनाइ छ ।
कोभिड-१९ को उपचारमा प्रयोग गरिने औषधीको माग बजारमा धेरै छ ।
यस महामारीको समयमा स्वदेशमा बन्ने औषधीको अभाव हुन नदिने संघले जनाएको छ ।
नेपाल औषधी उत्पादक संघद्वारा अनावश्यक रुपमा औषधीको सञ्चित नगर्नसमेत अनुरोध गरिएको छ ।
