लियोनल मेसीले आइतबार फ्रान्सेली लिग वानमा पेरिस सेन्ट जर्मेन (पीएसजी) का लागि डेब्यु गरेका छन् ।
उनी सब्स्टिच्युट खेलाडीका रूपमा ६६औं मिनेटमा मैदान छिरेका थिए । पीएसजीले रेइम्सलाई २-० ले हरायो । पीएसजीका लागि दुवै गोल केयलिन एमबापेले गरे ।
मेसीले ३० नम्बरको जर्सी लगाएका थिए र मैदानमा प्रवेश गर्दा दर्शकले उठेर अभिवादन गरेका थिए । उनले नेयमारलाई रिप्लेस गरेका थिए । बार्सिलोना छाडेयता क्याटलान क्लबबाहेक मेसीले अन्यका लागि खेलेको यो पहिलो पल्ट हो ।
