नवनियुक्त ३ प्रदेश प्रमुखले लिए सपथ
-आस्था न्यूज
कार्तिक २५, २०७८ काठमाडौं ।
राष्ट्रपति विद्यादेवी भण्डारीले नवनियुक्त प्रदेश प्रमुखहरुलाई पद तथा गोपनीयताको सपथ खुवाएकी छन् ।
प्रदेश नम्बर १ का परशुराम खापुङ, कर्णालीका तिलक परियार र सुदूरपश्चिम प्रदेशका प्रदेश प्रमुख देवराज जोशीले बिहीबार राष्ट्रपतिसमक्ष सपथ लिएका हुन् ।
परियार माओवादी केन्द्र, जोशी कांग्रेस र खापुङ जनता समाजवादी पार्टीबाट प्रदेश प्रमुख बनेका हुन्।
सोमबार बसेको मन्त्रिपरिषद् बैठकले तीन प्रदेशमा प्रमुख फेर्ने निर्णय गरेको थियो।
नेपालको संविधान धारा १६७ बमोजिम उनीहरुले सपथ लिएका हुन् ।
