शुक्रवार पौष २६,२०८१ | Friday 10 January,2025
शुक्रवार पौष २६,२०८१ | Friday 10 January,2025
चैत्र १८,२०७३
-
चैत १८, २०७३
आज शुक्रबारबाट देशव्यापी रूपमा नेपाली फिल्म इन्डस्ट्रीको तर्फबाट एक मात्र नेपाली फिल्म ‘पलाँस’ प्रदर्शनमा आएको छ ।
फिल्म ‘पलाँस’ मुलुकका पाँच दर्जनभन्दा बढी हलबाट प्रदर्शन भइरहेको छ ।
१६ वर्ष मुनिकाहरुले हेर्न नपाउने ‘एडल्ट’ सर्टिफिकेट पाएको यस चलचित्रलाई सुवास कोइरालाले निर्देशन गरेका हुन् ।
यस फिल्ममा रेखा थापा, अयुव केसी, कामेश्वर चौरासिया, कमल देवकोटा लगायतको मुख्य अभिनय रहेको छ ।
सोसियल ड्रामाअन्तर्गत पर्ने फिल्म ‘पलाँस’मा अभिनेत्री रेखा थापाले कोठीमा बेचिएकी नेपाली चेलीको भूमिका निर्वाह गरेकी छन् ।
यस साता अरू कुनै पनि नेपाली चलचित्र प्रदर्शनमा नआउने भएकाले पलाँस एक्लै रिलिज हुन लागेको हो ।
शुक्रबारबाटै अक्षयकुमार र तपस्वी पन्नु अभिनित बलिउड फिल्म ‘नाम सवनम’ सँगै यस वर्ष ओस्कार अवार्ड विजेता फिल्म ‘मुनलाइट’ र ‘लाला ल्यान्ड’ पनि प्रदर्शनमा आएका छन् ।
त्यसैले, पलाँसले बलिउड र हलिउडका यी तीन सिनेमासँग पनि प्रतिस्पर्धा गर्नुपर्नेछ ।
प्रमुख समाचार
