इङ्ग्लिस प्रिमियर लिग फुटबलमा लेस्टर सिटीद्धारा न्युक्यासल पराजित
-आस्था न्यूज
मंसिर २७, २०७८ काठमाडौं ।
इङ्ग्लिस प्रिमियर लिग फुटबलमा लेस्टर सिटीले सहज जित निकालेको छ ।
गएराति भएको खेलमा लेस्टरले न्युक्यासललाई ४-० गोल अन्तरले पराजित गरेको हो ।
घरेलु मैदानमा लेस्टरलाई जित दिलाउन युरी टिलमेन्सले दुई गोल गरे भने पाट्सन डाका र जेम्स म्याडिसनले एकरएक गोल गरे । खेलको ३९ औँ मिनेटमा युरीले पेनाल्टीमा गोल गर्दै घरेलु टोलीलाई सुरुआती अग्रता दिलाएका थिए।
खेलको ५७ औँ मिनेटमा डाकाले गोल गर्दै टिमको अग्रता २-० को बनाए । खेलको ८१ औँ मिनेटमा युरीले दोस्रो गोल गर्दै लेस्टरलाई ३-० को अग्रता दिलाए । खेलको ८५ औँ मिनेटमा म्याडिसनले गोल गर्दै लेस्टरलाई ४–० को जित दिलाए । जितसँगै लेस्टर २२ अङ्कका साथ आठौँ स्थानमा उक्लिएको छ ।
न्युक्यासल १० अङ्क जोडेर १९ औँ स्थानमा रहेको छ ।
