माओवादी आठौं महाधिवेशन:
महाधिवेशनमा शान्तिप्रक्रियामा आएपछि कहाँ-कहाँ चुक्यौ भनेर आत्मसमीक्षा गरिन्छः प्रचण्ड
-आस्था न्यूज
पुस ११, २०७८ काठमाडौं ।
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफूले प्रस्तुत गर्ने राजनीतिक प्रतिवेदनमा आत्मासमीक्षा गरेको दाबी गरेका छन्। माओवादी केन्द्रको आठौं महाधिवेशनको उद्घाटन समारोहलाई सम्बोधन गर्दै उनले महाधिवेशनमा कहाँ कहाँ चुक्यौ भनेर आत्मसमीक्षा र आत्मआलोचना गरिने बताएका हुन्।
‘महाधिवेशनमा शान्तिप्रक्रियामा आएपछि कहाँ-कहाँ चुक्यौ भनेर आत्मसमीक्षा र आत्मआलोचना गरिन्छ। मैले आफैलाई चीरफार गरेको छु। कसरी माओवादी केन्द्र कमजोर भयो भनेर।’ उनले भने, ‘गम्भीर आत्मसमीक्षासहित नयाँ ढंगले तपाई प्रतिनिधिहरु प्रस्तुत हुनुहुनेछ। ’
उनले एमाले महासचिव शंकर पोखरेलको भनाईलाई समर्थन गर्दै एकता जोगाउन नसकेकोमा आफूलाई पनि पछुतो लागेको धारणा राखे। प्रचण्डले नेकपा गठन गलत नभएको बताउँदै कहाँ गल्ति भयो समीक्षा आवश्यक रहेको धारणा राखे। उनले भने, ‘पार्टी एकता गरेर गल्ति गरेका थिएनौं, फेरी आत्मसमीक्षा गरौं। हाम्रो उद्देश्य गलत थिएन। के कारणले फुट्यो रु मनन हुन जरुरी छ। ’
उनले भने, ‘अतिथि नेताहरूको बोलीमा कृत्रिमता कहीँ महसुस गरिनँ । देश, जनताको आकांक्षा पूरा गर्न कसरी सकिएला भन्नेबारे सबैको चिन्ता देखियो ।’ आफूहरू शान्ति प्रक्रियामा आउनु अघि तत्कालीन प्रधानमन्त्रीका रूपमा देउवाले आफ्नो नेतृत्वको प्रशंसा गरेको पनि प्रचण्डले सुनाए ।
