लिभरपुलले किर्तीमानी नवौं पटक काराबाओ कप फुटबल प्रतियोगिताको उपाधि जितेको छ ।
गएराति वेम्बले रंगशालामा भएको फाइनल खेलमा चेल्सीलई पेनाल्टी सुट आउटमा हराउँदै लिभरपुलले उपाधि जितेको हो । खेलको निर्धारित ९० मिनेट र अतिरिक्त ३० मिनेटको समयमा गोल नभएपछि टाई ब्रेकरबाट छिनोफानो गरिएको हो ।
टाइ ब्रेकरमा लिभरपुल १० को विरुद्ध ११ गोलले विजयी भयो । दुबै टोलीका १०-१० जना खेलाडीले गोल गरेपछि गोलकिपरको पालो आयो । लिभरपुलका गोलकिपर केलेहरले गोल गरेपछि दबाबमा आएका चेल्सीका किपर अरिजाबालागाको प्रहार आकाशिएपछि चेल्सी पराजित हुनपुग्यो ।
