प्रधानमन्त्री देउवा तीन दिने भ्रमणका लागि भारत प्रस्थान
-आस्था न्यूज
चैत १८, २०७८ काठमाडौं ।
प्रधानमन्त्री शेरबहादुर देउवा भारतको तीन दिने औपचारिक भ्रमणको सिलसिलामा आज नयाँदिल्ली प्रस्थान गरेका छन्।
देउवा देशको पाँचौ पटक प्रधानमन्त्री भएपछि उनले गर्न लागेको यो पहिलो भारत भ्रमण हो ।
देउवा नेतृत्वको प्रतिनिधिमण्डल शुक्रबार भारतीय समय अनुसार दिउँसो नयाँ दिल्लीस्थित इन्दिरा गान्धी अन्तराष्ट्रिय विमानस्थल अवतरण गर्नेछन्। त्यस्तै अपराह्न ४ स् ३० बजे भारतीय विदेशमन्त्री डा। एस जयशंकरले दिल्लीस्थित होटल मौर्यमा शिष्टाचार भेट गर्ने कार्यक्रम छ।
शनिबार बिहान ११ः१० बजे प्रधानमन्त्री देउवा र भारतीय प्रधानमन्त्री मोदीबीच भेटवार्ता हुनेछ। दुई प्रधानमनत्रीबीचको भेट हैदरावाद हाउसमा तय भएको छ।
शनिबार बिहान १० स् ४० बजे प्रधानमन्त्री देउवाले राजघाट पुगेर महात्मा गान्धीको शालिकमा श्रद्धाञ्जली अर्पण गर्ने कार्यक्रम छ भने प्रधानमन्त्री देउवा र भारतीय समकक्षी नरेन्द्र मोदीबीच ११ स् १० बजे हैदरावाद हाउसमा द्विपक्षीय भेटवार्ता तय भएको छ।
मोदीसँगको भेटवार्तापछि हैदरवाद हाउसमा नै दुई देशका प्रधानमन्त्रीको उपस्थितिमा मध्याह्न १२ स् १५ बजे नेपाल–भारतको द्विपक्षीय बैठक बस्ने र दुई देशका अधिकारीबीच केही सम्झौतापत्रमा हस्ताक्षर गर्ने कार्यक्रमसमेत रहेको छ। देउवा र मोदीले संयुक्त पत्रकार सम्मेलनलाई सम्बोधन गर्ने कार्यक्रम छ।
त्यस्तै अपराह्न १६ स् ३० बजे प्रधानमन्त्री देउवाले भारतीय उपराष्ट्रपति नायडुसँग मौलाना आजाद रोडस्थित उपराष्ट्रपति निवासमा शिष्टाचार भेट गर्ने कार्यक्रम तय भएको छ।
प्रधानमन्त्री देउवा आइतबार बिहान ९ बजे उत्तर प्रदेशको वाराणासी पुग्ने छन् भने अपराह्न ४ स् ०० बजे वाराणसीबाट नयाँ दिल्ली फर्किने छन्।
उनी अपराह्न ४ स् १५ बजे काठमाडौंका लागि प्रस्थान गर्ने कार्यक्रम छ।
