फाल्गुण १५,२०७९

-आस्था न्युज

आईतबार उच्च अदालत पोखराबाट  नाबालिग बलात्कार अभियोगबाट  सफाइ  पाएता पनि   शाह  कार्यालय समय सकिइसकेकाले आवश्यक प्रक्रिया पुर्याउन ढिला भएको कारण उनि कारागारबाट छुट्न पाएनन्  । उनलाई आजै सबै प्रक्रिया पुर्याई रिहा गरिने शाहका कानुन व्यवसायी बरिष्ठ अधिवक्ता कमलमोहन वाग्लेले जानकारी दिएका छन्  ।

शाह आज  रिहा भएपछि तनहुबाट सिधै काठमाडौं आउने  बताईएको छ ।

स्मरण रहोस शाहले सुटिङका क्रममा बलात्कार गरेको भन्दै २०७८ फागुन ११ गते तनहुँमा र फागुन १५ गते नवलपुर प्रहरीमा उजुरी परेको थियो । तथापी तनहुँ र नवलपुर जिल्ला अदालतमा  बकपत्र गर्दा पीडित  भनिएकी नावालिक गायिकाले  आफूमाथि बलात्कार नभएको भन्दै बयान फेरेकी थिइन्।

 शाहलाई जिल्ला अदालत तनहुँले यसअघि नै सफाइ दिइसकेको छ ।  पूर्वी नवलपरासी (नवलपुर) जिल्ला अदालतले भने साढे दुई वर्ष कैद र पीडितलाई १० लाख क्षतिपूर्ति दिन आदेश दिएको थियो । त्यसविरुद्ध शाहले पुनरावेदन दिएका थिए ।

आइतबार न्यायाधीशद्वय डिल्लीराज आचार्य र श्रीधरा कुमारी पुडासैनीको इजलासले शाहमाथि लागेको अभियोगमा सफाइ दिने फैसला गरेको थियो ।