म्यानचेस्टर सिटी एफए कप फुटबलको क्वाटरफाइनलमा प्रवेश
-आस्था न्यूज
फागुन १७, २०७९ काठमाडौं ।
म्यानचेस्टर सिटी एफए कप फुटबलको क्वाटरफाइनलमा प्रवेश गरेको छ ।
मंगलबार राति भएको खेलमा ब्रिस्टोल सिटीलाई ३-० गोल अन्तरले हराउँदै सिटी क्वाटरफाइनलमा प्रवेश गरेको हो ।
सिटीको जितमा फिल फोडेनले दुई गोल गरे । केभिन डी ब्रुएनले एक गोल थपे ।
खेलको सातौं मिनेटमा फोडेनले गोल गर्दै सिटीलाई सुरुआती अग्रता दिलाएका थिए ।
खेलको ७४ औं मिनेटमा फोडेनले व्यक्तिगत दोस्रो गोल गर्दै सिटीको अग्रता दोब्बर बनाए ।
त्यसपछि खेलको ८१ औं मिनेटमा ब्रुएनले गोल गर्दै सिटीलाई ३-० को जित दिलाए ।
अर्को खेलमा ब्राइटनले स्टोक सिटीलाई १-० ले हराएर क्वाटरफाइनलमा प्रवेश गरेको छ ।
त्यस्तै फुलहमले लिड्सलाई २-० ले हराएर क्वाटरफाइनलमा स्थान पक्का गरेको छ ।
