ए डिभिजन लिगमा आज दुई खेल हुने, पहिलो खेलमा आर्मी र एपीएफ भिड्ने
-आस्था न्यूज
चैत १, २०७९ काठमाडौं ।
नयाँ सिजनको सहिद स्मारक ए डिभिजन लिग फुटबल प्रतियोगिता अन्तर्गत आज बुधबार दुई खेलहरु हुँदैछन् ।
लिगको चौंथो चरण अन्तर्गत बुधबार दुई खेलहरु हुन लागेको हो । जसमा एक खेल च्यासल मैदान र एक खेल दशरथ रंगशालामा हुनेछ ।
च्यासलमा हुने खेलमा दुई विभागीय टोली त्रिभुवन आर्मी क्लब र एपीएफ क्लबबीच प्रतिस्पर्धा हुनेछ । विभागीय डर्बी भिडन्त दिउँसो २:३० बजे सुरु हुनेछ ।
आर्मी आज दोस्रो जितको खोजीमा हुनेछ । आर्मी ३ खेलमा ५ अंक जोडेर छैटौं स्थानमा रहेको छ ।
एपीएफ पनि दोस्रो जितको खोजीमा हुनेछ । एपीएफ ३ खेलमा ४ अंक जोडेर नवौं स्थानमा रहेको छ ।
यस्तै रंगशालामा हुने खेलमा न्युरोड टिम एनआरटी र मनाङ मर्स्याङ्दी क्लबबीच प्रतिस्पर्धा हुनेछ । एनआरटी र मनाङबीचको खेल साँझ ५:३० बजे सुरु हुनेछ ।
एनआरटी पहिलो जित निकाल्ने योजनामा रहेको छ । एनआरटी ३ खेलमा १ अंक जोडेर १३ औं स्थानमा रहेको छ ।
मनाङ दोस्रो जितको खोजीमा हुनेछ । मनाङ ३ खेलमा ५ अंक जोडेर आठौं स्थानमा रहेको छ ।
