एक लाखबाट सुरु गरेको च्याउखेतीले पुर्यायो १० करोड
-रासस
चैत १, २०७९ काठमाडौं ।
बागमती नगरपालिका-१० का स्थानीय ध्रुव चौलागाईंले च्याउ खेती शुरू गरेको १० वर्ष भयो ।
विभिन्न देशमा गरी एक दशक वैदेशिक रोजगारीमा बिताएका उनी तराईका जिल्लाबाट ठूलो परिमाणमा गोलभेँडा र च्याउ काठमाडौँ ढुवानी भइरहेको देखेपछि आफू त्यसतर्फ आकर्षित भएको बताउँछन्।
काठमाडौँ उपत्यकामा च्याउ र गोलभेँडाको राम्रो मागदेखि पनि तत्कालीन समयमा एक लाख रुपैयाँ लगानीमा उनले ध्रुव कृषि फर्म प्रालि दर्ता गरी च्याउखेती शुरू गरेका हुन्।
ुजब मैले तराईका जिल्लाबाट ठूलो मात्रामा गोलभेँडा र च्याउ काठमाडौँ लैजाँदै गरेको देखेँ तब यो सोच पलाएको थियोु, उनले भने, त्यसपछि यो खेतीमा राम्रो सम्भावना छ देखेरै विदेशको जागिर छाडेर यसैमा सक्रिय भएको हुँ ।
एक लाख रुपैयाँ लगानीमा एक सय ५० पोका च्याउबाट शुरू भएको व्यवसायमा हालसम्म ११ करोड रुपैयाँको भइसकेको छ भने १७ जनाले रोजगारी पनि पाएका छन् । उनले हाल अहिले एक बिघा जमिनमा ठूला आठ वटा अत्याधुनिक टनेलका बनाएका छन्। फर्ममा उत्पादित च्याउको थोक बिक्रीबाट वार्षिक १० करोडसम्म कारोबार गरेको उनको भनाइ छ ।
व्यवसायमा आमा, बुबा, श्रीमती र छोराको राम्रो साथ पाउनु भएका उनले कोरोना महामारीको समयमा विद्युत् सर्ट भएर फर्ममा आगलागी भई क्षति हुँदा करिब नौ करोड ऋण लागेको बताए।
कक्षा १२ सम्मको अध्ययन गरेका चौलागाईं बिहानदेखि रातिसम्म फर्ममा कर्माचारीसँगै खटिन्छन्। च्याउबाट निरन्तर आम्दानी हुँदैन, मौसम अनुसार उत्पादन भएकालाई बजार पुर्याउनुपर्छु, उनले भने, फर्ममा कन्या र गोब्रे च्याउ उत्पादन भइरहेको छ ।
हाल फर्ममा कन्या, गोब्रे, सिताके, ज्ञानडोर्न र पत्यालगायत च्याउका जातको बीउ उत्पादन गर्नुका साथै कम्पोष्ट बनाउने पनि काम भइरहेको जानकारी दिए। यहाँ उत्पादन हुने च्याउ स्थानीय बजारका साथै मकवानपुर, चितवन र काठमाडौँलगायत बजारमा पुग्ने गरेको चौलागाईंको भनाइ छ । उनले च्याउ हाल प्रतिकिलो तीन सय ५० रुपैयाँका दरले बिक्री गर्दै आएका छन्।
सात जनालाई आवासीय जागिर
चौलागाईंले प्राविधिक शिक्षा तथा व्यावासायिक तालिम परिषद् (सीटीईभीटी) बाट तालिम लिएका छन्। उनले तनहुँका २ र बुटवलका ५ गरी ७ जनालाई जनालाई आवासीय जागिर पनि दिएका छन्।
फर्म हेरचाहदेखि च्याउका लागि कच्चापदार्थ तयार गर्ने, बीउ उत्पादन गर्नेलगायतका काम गर्नुपर्छ । योबाहेक आवश्यकता अनुसार अन्य काम गर्न स्थानीय १० जनालाई पनि फार्ममा राखेका छन्। आफू, श्रीमती, छोरा र आमाबुबाका साथै १७ जना मजदुर गरी २३ जनाले निरन्तर फर्ममा काम गरिरहेका छन्।
उनले आफू यतिबेला उत्पादन वृद्धि गर्दै बजारीकरण बढाउने प्रयासमा छन्। शुरूमा बागमती नगरपालिकाले १० लाख रुपैयाँ अनुदान दिएको र त्यसपछि कही कतैबाट आफूले सहयोग नपाएको चौलागाईंले बताए।
