ए डिभिजन लिगमा आज तीन खेल हुँदै
-आस्था न्यूज
चैत ४, २०७९ काठमाडौं ।
नयाँ सिजनको सहिद स्मारक ए डिभिजन लिग फुटबल प्रतियोगितामा आज शनिबार तीन खेलहरु हुँदैछन्।
लिगको पाँचौं चरणको अन्तिम तीन खेलहरु शनिबार हुनेछन् । जसमा एक खेल च्यासल मैदान र दुई खेल दशरथ रंगशालामा हुनेछ ।
च्यासलमा हुने खेलमा फ्रेन्ड्स क्लब र त्रिभुवन आर्मी क्लबबीच प्रतिस्पर्धा हुनेछ। फ्रेन्ड्स र आर्मीबीचको खेल दिउँसो २:३० बजे सुरु हुनेछ ।
आज फ्रेन्ड्स दोस्रो जितको खोजीमा हुनेछ । फ्रेन्ड्स ४ खेलमा ४ अंक जोडेर १२ औं स्थानमा रहेको छ।
आर्मी पनि दोस्रो जितको योजनामा हुनेछ । आर्मी ४ खेलमा ५ अंक जोडेर नवौं स्थानमा रहेको छ ।
रंगशालामा हुने पहिलो खेलमा नेपाल पुलिस क्लब र न्युरोड टिम एनआरटीबीच प्रतिस्पर्धा हुनेछ । पुलिस र एनआरटीबीचको खेल दिउँसो २:३० बजे सुरु हुनेछ ।
पुलिस पहिलो जितको खोजीमा हुनेछ । पुलिस ४ खेलमा अंक विहीन रहदै पुछारमा रहेको छ ।
एनआरटी पनि पहिलो जितको योजनामा हुनेछ । एनआरटी ४ खेलमा १ अंक जोडेर १३ औं स्थानमा रहेको छ ।
रंगशालामा हुने दोस्रो खेलमा मनाङ मर्स्याङ्दी क्लब र एपीएफ क्लबबीच प्रतिस्पर्धा हुनेछ । मनाङ र एपीएफबीचको खेल साँझ ५:३० बजे सुरु हुनेछ ।
मनाङ आज तेस्रो जितको योजनामा हुनेछ । मनाङ ४ खेलमा ८ अंक जोडेर चौंथो स्थानमा रहेको छ ।
एपीएफ पनि तेस्रो जितको योजनामा रहेको छ । एपीएफ ४ खेलमा ७ अंक जोडेर पाँचौं स्थानमा रहेको छ ।
