जर्मन बुन्डेसलिगा फुटबलमा बायर्नलाई हराउदै बायर लिभरकुसेनको जित
-आस्था न्यूज
चैत ६, २०७९ काठमाडौं ।
जर्मन बुन्डेसलिगा फुटबलमा बायर्न म्युनिख पराजित भएको छ । आइतबार राति भएको खेलमा बायर्नलाई बायर लिभरकुसेनले २-१ गोल अन्तरले हराएको हो ।
एक गोलको अग्रता जोगाउन नसक्दा बायर्नले हार व्यहोरेको हो । खेलको २२ औं मिनेटमा जोसुवा किमिचले गोल गर्दै बायर्नलाई सुरुआती अग्रता दिलाएका थिए ।
तर, ५५ औं मिनेटमा एक्सेक्वेल पलासिओसले पेनाल्टीमार्फत गोल गर्दै बायरलाई १-१ गोलको बराबरीमा ल्याए ।
त्यसपछि खेलको ७३ औं मिनेटमा एक्सेक्वेलले पेनाल्टीबाटै व्यक्तिगत दोस्रो गोल गर्दै बायरलाई २-१ को जित दिलाए ।
यस जितसँगै बायरले २५ खेलमा ३७ अंक जोडेको छ । बायर आठौं स्थानमा उक्लिएको छ ।
बायर्न ५२ अंक जोडेर दोस्रो स्थानमा रहेको छ ।
