चैत्र ११,२०७९

-आस्था न्युज

११ चैत्र , २०७९ ।

नेकपा एकिकृत समाजवादी  निकट नेपाल खेलकुद महासंघ समाजवादीको ललितपुर जिल्ला कमिटी गठन भएको छ । ललितपुर जिल्ला पार्टी कार्यालय सातदोबाटोमा आयोजित जिल्ला स्तरीय भेलाले शुक्रबार उक्त जिल्ला कमिटी गठन गरेको  हो ।

नेकपा (एकिकृत समाजवादी ) को जिल्ला  भेलाले नेपाल खेलकुद महासंघ समाजवादीको ललितपुर जिल्ला कमिटीको अध्यक्षमा दिलीप विष्ट, उपाध्यक्षहरुमा राजेन्द्र विष्ट, निश्चल अवाले र सुनिल तामाङलाई चयन गरेको छ । त्यस्तै  सचिवमा रमिला पोखरेल  र सह – सचिवमा नारायणी कपालीलाई सर्वसम्मत चयन गरेको छ । भेलाले अप्सरा खनाल कोषध्यक्षमा र रञ्जित मगर, लक्षमण श्रेष्ठ, सुजन लामा, सुरेन्द्र तामाङ, किशोर महर्जन, कनैया श्रेष्ठ लाई जिल्ला कमिटि सदस्यमा चयन गरेको छ  ।

एकीकृत समाजवादीका केन्द्रीय कमिटी सदस्य उमेश शर्मा बजगाईं, नेपाल खेलकुद महासंघ समाजवादीका केन्द्रीय सचिव हीराकाजी महर्जन – केशव श्रेष्ठ, एकीकृत समाजवादी ललितपुर जिल्ला अध्यक्ष हरिकृष्ण थापा समेतको उपस्थितिमा  महासंघ समाजवादीका केन्द्रीय उपाध्यक्ष स्वयम्भू डंगोलले जिल्ला कमिटी पदाधिकारीको नामावली घोषणा गरेका थिए ।