ओपनर क्विन्टन डि ककको सानदार तथा विष्फोटक शतकको सहयोगमा घरेलु टोली दक्षिण अफ्रिकाले दोस्रो टी-ट्वान्टी अन्तराष्ट्रिय खेलमा पाहुना टोली वेस्ट इन्डिजमाथि ऐतिहासिक जित हात पारेको छ ।
सेन्चुरियनमा रहेको सुपर स्पोर्ट्स पार्कमा आईतबार राती सम्पन्न खेलमा घरेलु टोलीले ६ विकेटको जित निकालेको हो ।
टी-ट्वान्टी अन्तराष्ट्रियको नै इतिहासमा सर्वाधिक ठूलो लक्ष्य पूरा गर्ने कीर्तिमान कायम गरेको छ । योसँगै तीन टी-ट्वान्टी अन्तराष्ट्रिय खेलको सिरिज १-१ को बराबरीमा पुगेको छ ।
