सहिद स्मारक ए डिभिजन लिग फुटबल अन्तर्गत आज शुक्रबार दुई खेल हुँदैछन्। लिग अन्तर्गत शुक्रबार एक खेल च्यासल मैदान र एक खेल एन्फा कम्प्लेक्समा हुनेछ । च्यासल मैदानमा मनाङ मर्स्याङदी क्लब र फ्रेन्ड्स क्लबबीच प्रतिस्पर्धा हुनेछ ।
लिगको छैटौं चरणको अन्तिम खेल अन्तर्गत रहेको मनाङ र फ्रेन्ड्सबीचको खेल दिउँसो २ बजे सुरु हुनेछ ।
यस्तै एन्फा कम्प्लेक्समा एफसी खुमलटार र जावलाखेल युथ क्लबबीच प्रतिस्पर्धा हुनेछ ।
लिगको सातौं चरण अन्तर्गत रहेको दुई टोलीबीचको खेल दिउँसो २ बजे सुरु हुनेछ ।
