ए डिभिजन लिगमा आज सातौं चरणका अन्तिम तीन खेल हुँदै
-आस्था न्यूज
चैत २७, २०७९ काठमाडौं ।
सहिद स्मारक ए डिभिजन लिग फुटबल अन्तर्गत आज सोमबार तीन खेलहरु हुँदैछन् ।
लिगको सातौं चरण अन्तर्गत सोमबार दशरथ रंगशालामा दुई र एक खेल एन्फा कम्प्लेक्समा हुनेछ ।
त्रिपुरेश्वरस्थित दशरथ रंगशालामा हुने पहिलो खेलमा चर्च ब्वाइज युनाईटेड र विभागीय टोली एपीएफ क्लबबीच प्रतिस्पर्धा हुनेछ । चर्च ब्वाइज र एपीएफबीचको खेल दिउँसो २ बजे सुरु हुनेछ ।
चर्च ब्वाइज आज चौंथो जितको योजनामा हुनेछ । चर्च ब्वाइज ६ खेलमा १२ अंक जोडेर चौंथो स्थानमा रहेको छ ।
एपीएफ पनि चौंथो जितको खोजीमा हुनेछ । एपीएफ १० अंक जोडेर पाँचौं स्थानमा रहेको छ ।
रंगशालामा हुने दोस्रो खेलमा मनाङ मर्स्याङ्दी क्लब र थ्री स्टार क्लबबीच प्रतिस्पर्धा हुनेछ । मनाङ र थ्री स्टारबीचको खेल साँझ ५स्४५ बजे सुरु हुनेछ ।
शीर्ष स्थानको मनाङ पाँचौं जितको योजनामा रहेको छ । मनाङले ६ खेलमा १४ अंक जोडेको छ ।
थ्री स्टार चौंथो जितको योजनामा छ । थ्री स्टार १० अंक जोडेर छैटौं स्थानमा रहेको छ ।
त्यस्तै सातदोबाटोस्थित एन्फा कम्प्लेक्समा हुने खेलमा फ्रेन्ड्स क्लब र नेपाल पुलिस क्लब भिड्ने छन् । पुछारका दुई टोलीबीचको खेल दिउँसो २ बजे सुरु हुनेछ ।
फ्रेन्ड्स आज दोस्रो जित निकाल्न चाहन्छ । फ्रेन्ड्स ४ अंक जोडेर १३ औं स्थानमा रहेको छ ।
पुलिस पहिलो जितको योजनामा रहेको छ । पुलिस १ अंक जोडेर पुछारमा रहेको छ ।
