इंग्लिस प्रिमियर लिग फुटबलमा म्यानचेस्टर सिटीको सहज जित
-आस्था न्यूज
वैशाख २१, २०८० काठमाडौं ।
इंग्लिस प्रिमियर लिग फुटबलमा म्यानचेस्टर सिटीले सहज जित निकालेको छ ।
अर्लिङ हालाण्डले कीर्तिमान बनाएको खेलमा सिटीले बुधबार राति वेस्ट ह्याम युनाईटेडलाई ३-० गोल अन्तरले हराएको छ ।
सिटीको जितमा हालाण्डसँगै नाथन एके र फिल फोडेनले एक एक गोल गरे ।
खेलको ४९ औं मिनेटमा एकेले गोल गर्दै घरेलु टोलीलाई अग्रता दिलाएका थिए ।
७० औं मिनेटमा हालाण्डले गोल गर्दै सिटीलाई २-० को अग्रता दिलाए ।
यससँगै हालाण्डले प्रिमियर लिगमा यस सिजन ३५ गोल पूरा गरेका छन् । र, एकै सिजन प्रिमियर लिगमा सर्वाधिक गोल गर्ने खेलाडी बनेका छन् ।
