आइपीएलमा गुजरात जायन्ट्सले सनराईजर्स हैदराबादलाई हरायो
-आस्था न्यूज
जेठ २, २०८० काठमाडौं ।
गुजरात जायन्ट्सले ओपनर शुभमन गिलको शतकको सहयोगमा इन्डियन प्रिमियर लिग (आइपीएल)मा सनराईजर्स हैदराबादलाई हराएको छ ।
सोमबार राती घरेलु मैदान नरेन्द्र मोदी क्रिकेट स्टेडियममा हैदराबादलाई ३४ रनले परजित गर्दै गुजरात प्रतियोगिताको प्लेअफमा स्थान बनाउने पहिलो टोली बनेको छ ।
गुजरातले दिएको १ सय ८९ रनको लक्ष्य पछ्याएको हैदराबादले निर्धारित २० ओभरमा ९ विकेट गुमाएर १ सय ५४ रन मात्र बनायो ।
त्यसअघि टस हारेर पहिले ब्याटिङ गरेको गुजरातले निर्धारित २० ओभरमा ९ विकेट गुमाएर १ सय ८८ रन बनायो ।
जितसँगै तेह्र खेलमा नौ जित र चार हारका साथ दश टोली सहभागी लिगमा अठार अंक सहित गुजरात शीर्ष स्थानमा कायमै रहेको छ ।
हारसँगै प्रतियोगिताबाट बाहिरिने दोस्रो टोली बनेको हैदराबाद बाह्र खेलबाट चार जित र आठ हारका साथ नवौं स्थानमा रहेको छ ।
