इङ्लिस प्रिमियर लिग फुटबलमा लिभरपुलले लेस्टर सिटीलाई पराजित गरेको छ । सोमबार राति घरेलु मैदानमा लेस्टर सिटीलाई एनफिल्ड क्लबले ३-० ले पराजित गरेको हो ।
कर्टिस जोन्सले दुई गोल गर्दै लयमा देखिएको लिभरपुललाई महत्वपुर्ण जित दिलाउन सफल रहे । पछिल्लो हारले लेस्टरमाथि रेलिगेशनको दबाब थपिएको छ । रेलिगेशन जोनमा रहेको लेस्टर अन्तिमबाट दोस्रो स्थानमा छ ।
योर्गेन क्लोपको लिभरपुलले पछिल्ला ७ प्रिमियर लिगमा जित निकालेको छ । शीर्ष चारको सम्भावनाको दौडमा आफुलाई कायम राखेको छ । लिभरपुल समान ६६ अंक रहेका चौथों स्थानको न्युक्यासल र पाँचौं स्थानको म्यान यु भन्दा मात्र एक अंकले पछि छ ।
