आगामी असारमा बास्केटबलको क्लब च्याम्पियनसिप हुने
-आस्था न्यूज
जेठ ५, २०८० काठमाडौं ।
नेपाल बास्केटबल संघ (नेबा) को आयोजनामा बास्केटबलको क्लब च्याम्पियनसिप हुने भएको छ ।
नेपालले आगामी असारमा क्लब च्याम्पियन गर्ने तयारी गरेको नेबाका कार्यवाहक अध्यक्ष भिम सिंह गुरुङले जानकारी दिए ।
आगामी असार दोस्रो सातादेखि क्लब च्याम्पियनसिप गर्ने तयारी गरिरहेको र त्यसका लागि विभिन्न कामहरु भइरहेको गुरुङले बताए। यस पटक पुरुषको क्लब च्याम्पियनसिप हुने उनले जानकारी दिए ।
च्याम्पियनसिपमा ८ क्लबले राउण्ड रोविन लिगका आधारमा प्रतिस्पर्धा गर्नेछन् । जहाँ कूल २८ खेल हुने संघले जनाएको छ । क्बलहरुलाई इन्भाइटेसन पठाइसकेको र त्यसमा प्राविधिक समितिले ८ वटा टिम छान्नेछन् ।
नेपाल बास्केटबल संघ पुरुषको फ्रेन्चाइज लिग आयोजना गर्ने घोषणा २०७८ पुषमै भएको थियो । तर आर्थिक कारणले संघले उक्त लिग आयोजजा गर्न सकेन । संघका अध्यक्ष गुरुङले फ्रेन्चाइज लिग गर्ने योजना कायमै रहेको तर अहिले क्लब च्याम्पियनसिप गर्न लागेको बताए ।
संघले २०७८ वैशाखमा संघका पूर्वअध्यक्ष लामा टेण्डी शेर्पाको स्मृतिमा महिला र पुरुष दुवैको राष्ट्रिय स्तरको खुला बास्केटबल प्रतियोगिता आयोजना गरेको थियो । त्यसपछि राष्ट्रिय प्रतियोगिता हुन सकेको छैन ।
