उज्वेकिस्तानलाई हराउदै भारत काभा वुमन्स च्यालेन्ज कपको फाइनलमा
-आस्था न्यूज
जेठ १२, २०८० काठमाडौं ।
उज्वेकिस्तानलाई ३-० को सोझो सेटमा पराजित गरी भारत काठमाडौंमा जारी काभा वुमन्स च्यालेन्ज कप भलिबलको फाइनलमा पुगेको छ ।
त्रिपुरेश्वरस्थित राखेप कभर्डहलमा शुक्रबार भएको पहिलो सेमिफाइनलमा उज्वेकिस्तानले भारतमाथि दवाव राख्न सकेन ।
भारतले उपाधिका लागि नेपाल र काजाकस्तानबीच खेलको विजेतासँग १४ जेठमा प्रतिस्पर्धा गर्नेछ ।
नेपाल र काजाकस्तानबीचको दोस्रो सेमिफाइनल पाँच बजेदेखि सुरु हुनेछ ।
नेपाल समूह ए को उपविजेता र भारत विजेताका रुपमा सेमिफाइनल पुगेका थिए । नेपालले समूहको सुरुवाती दुई खेलमा किर्गिस्तान र बंगलादेशलाई पराजित गरे पनि भारतसँग हारेको थियो ।
काजाकस्तानलाई हराउन सके नेपालले भारतसँग यो प्रतियोगितामा दोस्रोपल्ट खेल्नेछ ।
