स्पेनिस ला लिगामा सेल्टा भिगोले बार्सिलोनालाई हरायो
-आस्था न्यूज
जेठ २२, २०८० काठमाडौं ।
स्पेनिस ला लिगा च्याम्पियन बार्सिलोना सिजनको अन्तिम खेलमा पराजित भएको छ ।
आइतबार राति भएको खेलमा बार्सिलोनालाई सेल्टा भिगोले २-१ गोल अन्तरले हराएको हो ।
खेलको ४५ औं मिनेटमा गाब्री भिगाले गोल गर्दै सेल्टालाई सुरुआती अग्रता दिलाएका थिए ।
खेलको ६५ औं मिनेटमा गाब्रीले व्यक्तिगत दोस्रो गोल गर्दै सेल्टालाई २-० को अग्रता दिलाए ।
त्यसपछि खेलको ७९ औं मिनेटमा अन्सु फातीले गोल गरेपनि बार्सिलोना २-१ ले पराजित भयो ।
बार्सिलोनालाई पराजित गरेसँगै सेल्टा रेलिगेसनबाट जोगिएको छ ।
सेल्टा ३८ खेलमा ४३ अंक जोडेर १३ औं स्थानमा रह्यो । च्याम्पियन बार्सिलोनाले ३८ खेलमा ८८ अंक जोड्यो ।
