आईसीसी एकदिवसीय विश्वकप छनोटमा श्रीलंकाले ओमानलाई पराजित गरेको छ। जिम्बावेको बुलवायोस्थित क्विन्स स्पोर्ट्स क्लबमा शुक्रबार भएको समूह बीको खेलमा श्रीलङ्काले ओमानलाई १० विकेटले पराजित गरेको हो। आमानले दिएको ९९ रनको चुनौतीलाई श्रीलङ्काले १५ ओभरमा बिना विकेट पूरा गर्यो।
त्यसअघि टस हारेर पहिले ब्याटिङको निम्तो पाएको ओमान ३० दशमलव २ ओभरमा सबै विकेट गुमाउँदै ९८ रनमा समेटिएको थियो।
यस जितसँगै लगातार दोस्रो जित दर्ता गराएको श्रीलङ्काले चार अङ्क जोडेको छ। श्रीलङ्काले पहिलो खेलमा युएईलाई हराएको थियो। तीन खेल खेलको ओमानको पनि समान चार अङ्क नै रहेको छ। यसअघि ओमानले आयरल्यान्ड र युएईलाई पराजित गरेको थियो।
