एसिसी इमर्जिङ कपमा नेपालले आज पाकिस्तानको सामना गर्दै
-आस्था न्यूज
असार २९, २०८० काठमाडौं ।
एसिसी इमर्जिङ टिम्स कपमा नेपालले आज पाकिस्तानसँग प्रतिस्पर्धा गर्दैछ ।
कोलोम्बो क्रिकेट मैदानमा बिहान १०ः१५ बजेदेखि खेल सुरु हुनेछ । प्रतियोगितामा नेपालको यो पहिलो खेल हो ।
नेपाली टोलीमा रोहित पौडेल (कप्तान) सहित कुशल भुर्तेल, आसिफ शेख, अर्जुन साउद, कुशल मल्ल, पवन सरार्फ , देव खनाल, गुलशन झा, सोमपाल कामी, भीम सार्की, श्याम ढकाल, प्रतिश जि।सी, ललित राजवंशी, किशोर महतो, सन्दीप जोरा र सूर्य तामाङ रहेका छन् ।
एसीसी इमर्जिङ कपमा नेपालको यो चौथो सहभागिता हो । नेपालले सन् २०१३ मा सिंगापुरमा भएको पहिलो संस्करणदेखि नै प्रतियोगितामा सहभागिता जनाउँदै आएको छ ।
