जापान वुमेन्स वर्ल्डकप २०२३ को समूह ‘जी’ को विजेता
-आस्था न्यूज
साउन १५, २०८० काठमाडौं ।
जापानले वुमेन्स वर्ल्डकप २०२३ को समूह ‘जी’ को विजेता भएको छ । उसले सोमबारको खेलमा स्पेनमाथि सजिलो ४–० को जित निकाल्यो ।
जापानका लागि हिनाता मियाजावाले दुई तथा रिको उयेकी र मिना तानाकले गोल गरे ।
दुवै टिम यसअघि नै लगातार दुई खेल जितेर प्रतियोगिताको अन्तिम १६ पुगिसकेका थिए । जापान भने लगातार तेस्रो जित निकाल्दै समूह चरणका सबै प्रतिस्पर्धा आफ्नो पक्षमा पार्न सफल रह्यो ।
स्पेन भने छ अंकमा दोस्रो स्थानमा रह्यो । यसै समूहको अर्को खेलमा जाम्बियाले कोस्टारिकालाई ३–१ ले हरायो ।
विश्वकपमा जाम्बियाको यो पहिलो जित हो ।
यससँगै उसको तीन अंक भयो । कोस्टा रिका भने शून्य अंकमै सीमित रह्यो ।
