नेदरल्यान्ड्ससँगै डिफेन्डिङ च्याम्पियन अमेरिका वुमेन्स वर्ल्डकप २०२३ को अन्तिम १६ मा प्रवेश गरेको छ । समूह ‘ई’ को मंगलबार भएको खेलमा नेदरल्यान्ड्सले भियतनामलाई ७–० ले हरायो । अमेरिकाले भने पोर्चुगलसँग गोलरहित बराबरी खेल्यो ।
यो नतिजापछि नेदरल्यान्ड्स सात अंकसहित समूहको शीर्ष स्थानमा रह्यो । पछिल्ला दुई संस्करणको च्याम्पियन अमेरिका भने पाँच अंकमा दोस्रो स्थानमा रह्यो । पोर्चुगल चार अंकमा तेस्रो स्थानमा रह्यो । भियतनाम भने तीनै खेलमा पराजित रह्यो ।
नेदरल्यान्ड्सको जितमा भने जिल रुड र भर्जिनिया ब्रुग्सले दुई दुई गोल गरे । यस्तै, लियेकी मार्टिन्स, कार्जा स्नोइज र भान्डे डंकले गोल गरे ।
