विवाहित महिलाले किन लगाउँने सिन्दुर ? यस्तो रहेछ कारण
-आस्था न्यूज
भदौ ११, २०८० काठमाडौं ।
हामी सबैले देखेका छौँ कि विवाहित महिलाले सिन्दुर लगाएर हिँडेको । सिन्दुरलाई महिलाहरूले आफ्नो सौभाग्य भनेर पनि लगाउने गरेको पाइन्छ । तपाईँलाई पनि महिलाले किन लगाएको होला सिन्दुर जस्तो पक्कै लाग्ला ।
सिन्दुर विवाहित महिलाहरूको लागि महत्त्वपूर्ण कुरा हो । सिउँदोमा सिन्दुर लगाउनु महिलाको विवाह भएको प्रमाण हो । सिन्दुरलाई नेपाली समाजमा दीर्घायु, खुसी र समृद्धिको प्रतीक पनि मानिन्छ । सिन्दुर लगाउनु भनेको धार्मिक मात्र नभई वैज्ञानिक दृष्टिकोणबाट पनि धेरै लाभदायक मानिन्छ ।
हाम्रोमा विवाहित महिलाले सिन्दुर लगाउने चलन सदियौँदेखि आएको चलन हो । महिलाको १६ शृंगारको व्याख्या गर्दा सिन्दुर पनि पर्छ ।
किन लगाइन्छ त सिन्दुर ?
पौराणिक कथाअनुसार सिन्दुर लगाउने महिलाहरूले जति लामो सिन्दुरको धर्को लगाउँछन् उनीहरूको श्रीमानको आयु पनि त्यति नै लामो हुने विश्वास छ । दैनिक रुपमा सिन्दुर लगाउने महिलाको श्रीमानलाई स्वयं माता भवानी पार्वतीले सुरक्षा गर्छिन् भन्ने मान्यता छ ।
धर्मशास्त्र अनुसार सिन्दुर सधैँ नाकको सिधा माथि लगाउनुपर्दछ भनिएको छ । किनकी दायाँ बायाँ लगाउनाले पतिको भाग्य बिगार्दछ ।
